د نجونو پر زدکړو دطالب چارواکو بنديز په غبرګون کې د بهرمېشتو افغانانو د نړیوالي شورا اعلامیه

د نجونو پر زدکړو دطالب چارواکو بنديز په غبرګون کې د بهرمېشتو افغانانو د نړیوالي شورا اعلامیه

نېټه: ۲۰۲۲/۱۲/۲۴  

طالبانو په افغانستان کې د نجونو پر مخ د لوړو زده کړو د مؤسسو او پوهنتونونو او د منځني ښوونځیو په بندولو یو ځل بیا خپله غیري اسلامي او غیري افغاني څېره نړۍ ته ننداره کړه.

د تعلیم او تحصیل له «تعليق» وروسته طالبانو د‌ دیسمبر پر ۲۴ -۲۰۲۲ په کورني او بهرني‌ هیر دولتي مؤسساتو کې د‌‌ ښځو کارکول هم بند کړل.

په‌ پوهنتونو کې د ښځينه وود زده کړې د تعليق فرمان  داسلامي‌ هېوادو او پوهانو د بې ساري  غبرګونوسره مخامخ شوی.

د الازهر شېخ احمد الطیب دا کړنه د اسلامي شریعت سره په ټکر کې ګڼلې او وایي چې شریعت ښځواو نارينه وو لپاره له « زانګو ترګوره » د زده کړې‌ سپارښتنه کوي. نوموړي د طالبانو ددې فرمان په اړه زیاته کړې چې”دا کړني د مسلمان او غیرې مسلمان وجدان لړزولی”‌‌ اوباید هیڅ مسلمان دا‌ډول فرمان صادر نکړي.

د طالبانو د‌ دغې وروستیۍ غیري انساني پرېکړې په وړاندې په بهرکې اود هېواد دننه جدي غبرګون ښودل شوی؛ د افغانستان په بېلابېلو ښارونو لکه کابل، هرات، ننګرهار او کندهارکې د ښځو پُرجوشه لاریونونه شوي‌ چې دطالبانو لخوا په کلکه ځپل شوي. همدا راز ديادونې وړده چې تراوسه ګڼشمېرد‌پوهنتون استادانو د اعتراض په توګه خپلې دندې پرېئښي دي.

طالبان په پرله پسې ډول د افغانانو او په ځانګړې توګه د افغان مېرمنو له اساسي حقونو لکه زده کړې او کار حق څخه په سرغړونې خپل کلک دریځه چلند ښودلی اود نړیوالې ټولنې پرغو ښتنو چې بايد د افغانانو، په ځانګړې توګه د افغان مېرمنو حقونو او ازادۍ ته درناوی وشي، ملنډې وهلي.

ښکاره خبره ده چې د‌ښځو پر وړاندې دا‌ډول توپیري سیاست اوپه تعلیمي او تحصیلي نصاب کې‌ بدلون راوستل به د افغانستان پر راتلونکي ستره منفي اغېز ولري.

په خواشينۍ سره بايد‌ وویل ‌شي چې د افغانانو د ژوند په بېلابېلو برخو کې له توجيه پرته دا‌ډول پرېکړو ترشا د پرديو، په ځانګړي توګه د‌ پاکستان پټ او ښکاره لاسونه ښکېل دي.

د بهرمېشتو افغانانو نړیواله شورا د طالبانود بشري حقونود نورمونو خلاف دا‌ډول‌ کړنې غندي او په خواشينۍ سره د هغوی دغير افغاني او غير اسلامي پرېکړو بهير څاري.

شورا د نړۍ په بېلابېلو هېوادونو کې له ټولوغړو او نورو افغاني بنسټونواو ټولنو څخه غوښتنه کوي چې د طالبانو د کړنو د غندلو په موخه په بېلابېلو ښارونوکې لاريونونه ترسره کړي او په فعاله توګه  کې ګډون وکړي.

شورا په ټول متمدن‌‌ بشريت، هېوادونو، نړیوالو بنسټونو او د بشري حقونو پر سازمانونو غږ کوي تر څود پوهنتونونو د بندېدو، تر شپږم ټولګي پورې د نجونو پر زده کړو او له کوره بهرد ښځو پرکار د بندیزد مخنيوي لپاره چې دا‌پخپله پر کورنیو یو له اټکل لرې اقتصادي بوج راوړي، بايد جدي ګامونه پورته کړي اود دا ډول پریکړو د قربانیانو د حقونو ملاتړ وکړي.

د‌‌ بهر مېشتو افغانانو د‌ نړیوالې شورا رهبري بورډ