د خــوســت ، کـــــنــړ او د افغانســتان په
د بــــريــدونو په تــړاو د بــهـرمېــښتو افغانانو د نـــــړيوالې شـــورا اعــــــلامـــيـه :

د 2022 م کال د اپريل د مياشتې 17 مه نيټه
دبهرمېشتو افغانانو نړیواله شورا (افــــغــان ډيـــاسپـورا )د پاکستان د وسله والو ځواکونو لخوا په خوست او کنړ ولايتونو کې هوائي او ځمکني بريدونه او بمباري، چی له امله ئی د روژې په دغه مبارکه مياشت کې د ښــځو او ماشومانو په ګډون له پـنــځوس زيات بې ګناه خلک شهيدان او زيات شــمير ئې ټپيان شوي دي، په سختو الفاظو غندنه کوي. د پاکستان هوائي او ځمکني بريدونه د افغانستان د ملي حاکميت نقض ، د ملګرو ملتونو او د دغې مؤســـسې د امنيت د شورا د پرېکړه ليکونو او هم نړيوالو ميثاقونو سره ښکاره او بربنډه سرغړونه ده. افغانستان تقريباً د نيمې پيړۍ په موده کې دګاونډيو او نورو قدرتونو د مداخلې او له ترهګرۍ او تروريزم سره د مبارزې تر نامه لاندې قرباني شوی دی. د يادولو وړ ده چې د پاکستان وسله وال ځواکونه او استخباراتي کړۍ له څو لسيزو راپدېخوا د افغانستان په کورنۍ چارو کې مداخلې کوي او نيابتي جګړه يا Proxy warfare ته په ډيره بېشرمۍ او ظالمانه توګه دوام ورکوي. د پاکستان پوځی او ملکي حاکم استبلشمنټ زموږ په هيواد کې د قيموميت سياست مسلط کړی. څرګنده ده چی پاکستان له ژور او پراخ اقتصادي ، سياسي او امنيتي بحران سره مخامخ دی نوځکه داقتصادي موخو دتر لاسه کولو لپاره په افغانستان کې يوه بله لوبه او نوې پروژه پيل کول غواړي. دا واقعيت هم اظهرمن الشمس دی چې پاکستان د تروريستانو او سخت دريځه بنسټ پاله مذهبی ډلو د روزلو او بيا ګاونډي او نورو هيوادو ته د ترهګريزو اهدافو ترسره کولو لپاره يو مطمئن مرکز او ځاله ده، له دې کبله د پاکستان د پوځي او استخباراتي ځواکونو د دغو بېشرمه او ظالمانه دوامداره مداخلو او پاليسيو په کلکه او جديت سره مخنيوي وشي.
د بهرمېښتو افغانانو نړېواله شورا د ملګرو ملتونو د امنيت له شورا او نورو پارلماني او حقوقي بنسټونو څخه غوښتنه کوي چې په افغانستان کې د پاکستان د څو لسيزو مداخلو او هم په خوست ، کونړ او پکتيکا کې د ورستنيو هوائي او توپچي ځواکونو د بريدونو پلټنه او څارنه وکړي او هم مسؤلين دې نړيوالی محکمی ته احضار او مجازات شي. همداراز نومړی هیواد دې دترهګریزو فعالیتونو د دوام ورکولوپه دلیل د ف ی ټ ف په موسیسه کی داپلا دخړ لست څخه په تور لست کی شامیل شي.
هېواد دننه او بهر مېشتو ټولو افغانانو غــــږ کوو چې د هېواد د ځمکنۍ بشپړتيا ، ملی يووالی ، پرمختيا او سوکالۍ لپاره سره متحد، د نږدي او ليری دښمنانو د دسيسو او لاسوهنو د شڼډولو په موخه خپلو عادلانه او پرله پسې مبارزو او هلوځلو ته په ميړانه دوام ورکړي .

دشورا مشر. ميلبرن، استرالياد بهرمېښتوافغانانو نړيوالی شورا دمشرتابه بورد